Nordfjordnett skal ivareta deltakarkommunane sine oppgåver knytt til drift, service og forvalting av eigarkommunane sin informasjons- og kommunikasjonsteknologi (IKT) med kommunedirektørane i deltakarkommunane som oppdragsgjevar og formelle styre.
Kvar kommune er ansvarleg for eigen infrastruktur, under dette også inkludert klientutstyr. Alt utstyr og all infrastruktur vert kjøpt og sett opp i samråd med Nordfjordnett. Nordfjordnett sine tenester og leveranse til kommunane er definert gjennom Tenesteavtalen (her under Tenestekatalogen).
Nordfjordnett er Nordfjordkommunane sin IT-driftsorganisasjon, og leverer tenester til alle tenesteområda i kommunane. Hovudmålsettinga til Nordfjordnett er å levere gode og effektive IKT løysingar til kommunane slik at kommunane kan yte gode tenester til innbyggarane og næringslivet. Gode IKT-løysingar er viktig for å utvikle barnhagar, skular, helsetenester(velferdsteknologi) og digital dialog med innbyggjarane.
Driftseininga er delt inn i tre fagområde: Infrastruktur, Server/applikasjon og Brukarstøtte.